Publisher's Synopsis
Bjørnen Tor er ein herleg teddybjørn som bur på Vestlandet saman med mennesket sitt. Han er glad i å prøve nye ting, ete gulrøter og lage nye songar.
Forteljingar om han har blitt til bøker, med flotte bilde og rundt 1000 ord. Kvar bok inneheld ein song som han laga mens historien gjekk føre seg.
I forteljingane så bakar han, dyrkar grønsaker, fiskar, reiser, leikar, feirar jul, går på ski og er saman med venner. Han får lov til å prøve nye ting og gjere sine eigne feil. Alltid med omsorgsfull rettleiing frå mennesket sitt, som tilbyr kreative svar og forklaringar på livet og det å leve.
I denne boka får vi bli med inn i skogen ein nydeleg vårdag. Mens han sit der og fiskar så høyrer han plutseleg ein rar lyd, som fører han inn i ein redningsoperasjon. Heldigvis ordnar alt seg, sidan Bjørnen Tor har med seg nokre
hemmelegheiter i ryggsekken, og kan lage songar som kan fikse nesten alt mogleg.
Slik som «Klatre ned - songen» i denne boka.
Barn i alle aldrar vil fryde seg over denne forteljinga om vennskap, mot og dei enkle gledene i livet.
