Publisher's Synopsis
This historic book may have numerous typos and missing text. Purchasers can usually download a free scanned copy of the original book (without typos) from the publisher. Not indexed. Not illustrated. 1856 edition. Excerpt: ... pryour hade at his gouernaunce and ledyng but iij. c. off Cristenmen at that tyme; but manly, by Godes helpe, they fou3t with the Moret, and slowe of the paynemus that come with hym to batayle mo than fyfty M1. And when the Moret sy3 that he my3t not prevayle a3eyne the Cristen at the batayle on the londe, he began an newe warre upon the see: but, be the helpe of God, he was put to the wurse, and withdrowe hym. And in this same 3ere, the marchantes of Northfolke were robbed of xx. M1. pownde be the queenes meyne of Denmarke, the wheche was an vndoyng to mony of the marchantes of Northfolke for euermore afturwarde. CAMD. 8Oc. Q A.D. 1396. xix 3ere. Item, in anno M1.ccc. nonogesimo vj, and in the regne of kyng Rychard the xix 3ere, the pope wroot downe to the kyng a3eyne the lordes, to haue hem proclamed as traytours to holy churche; and that the kyng schold be faverable to the prelates, as beschopes, abbotus, pryours, and to alle the trewe mynystris of the churche; and tho cursed Lollardes that wolde not renounce and leue hure false openyones, the kyng to geve hem the lawe as longed to suche mysbeleuers and eretykes. Also alle tho that haad purchased off the pope or of ony of his mynystris ony fredome, as chappellanes, honoris, or any capasite, the pope annulled hem, bothe of his owne tyme and also of his prodesessous (sic), vnto the tyme that he were bettur avysed. A.D. 1395. And in this same 3ere, sire John, duke of Lancastre, to whome the kyng had 3eue the Duche of Gyene, for the wheche he spent goode innumerable to gete the goode wylle of the peple of that countrey; and, when the seyde duke stoode in gode conseyte of the peple, the kyng sent for hym to come to hym into Englonde. And he come home anon aftur Cristemasse to the maner off...
